منتديات احلى اثنين
اهلا وسهلا بك في منتديات أحلى اثنين
مرحبا بك في منتديات احلى اثنين
سجل ولا تتردد


اسلامي, ثقافي, ادبي, رياضي, عــــــام
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول
المواضيع الأخيرة
»  الحجاب عفَّة، وأمن للمرأة
أبريل 17th 2011, 02:40 من طرف زائر

» حصرياً قصائد للرادود حسين الحجامي بذكرى أستشهاد السيد الشهيد الصدر
أبريل 17th 2011, 02:22 من طرف زائر

» ابو نؤاس.....
مارس 21st 2011, 17:58 من طرف ahmed_83

» محمد مهدي الجواهري
مارس 21st 2011, 17:54 من طرف ahmed_83

» محاولة اغتيال الفنان ابراهيم طاطلس
مارس 19th 2011, 18:37 من طرف ahmed_83

» حفلة الفنانة مريام فارس في العراق
مارس 19th 2011, 18:35 من طرف ahmed_83

» قناة mcp موسيقى من بغداد
مارس 18th 2011, 03:42 من طرف ahmed_83

» يومية تسألني...
مارس 18th 2011, 03:32 من طرف ahmed_83

» صاحب قناة MCP الفنان ماجد المهندس
مارس 15th 2011, 19:50 من طرف ahmed_83

ازرار التصفُّح
 البوابة
 الرئيسية
 قائمة الاعضاء
 البيانات الشخصية
 س .و .ج
 بحـث
احصائيات
هذا المنتدى يتوفر على 22 عُضو.
آخر عُضو مُسجل هو كالقمر رقيقة فمرحباً به.

أعضاؤنا قدموا 512 مساهمة في هذا المنتدى في 245 موضوع

شاطر | 
 

 تحشيش على شباب الجامعه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عمارالجريح



عدد المساهمات : 32
السٌّمعَة : 0
تاريخ التسجيل : 23/10/2010

مُساهمةموضوع: تحشيش على شباب الجامعه   أكتوبر 24th 2010, 00:19

اول شي طبعا كالمعتاد امة تصيح عليه بيها 32 مرة وتصيح وتستريح حتى يكعد المسعد من النوم ( والمشكلة ياريت يسمع مرة مرتين) كَولوا يكعد بعد ما بلعوم امة انشحط شحط


راح على اساس دا يغسل وجه ( طبعا اي صابونة يلكاها على المغسلة يغسل بيها وجها ان شاء الله صابونة اماعين ماعندة اي مشكلة )


اجه دا يريد يلبس تلكة على كل قميص مكتوب عليه يوم معين .. القميص الابيض ليوم الاحد والسمائي ليوم الثنين والبنطرون الجوزي ليوم الثلاثاء .. (مو هو مايريد يكرر القطعة الوحدة اكثر من مرة بالاسبوع اي شعبالكم )


على العموم وبعد عناء طويل شاف المعدل شحيلبس ورساله على بر واخيرا
طبعا الجينز خطية تكول جينز حماميل البلدية مسحوك حتى جينز البنة هم ميصير هيج
لا وعلى ساعة يوكع من - الخصر النحيل –



القميص لا تجيب طاريه راح ينفتك من الجتف من كد الضيك ........ !!

وصلنة الى اتعس نقطة الا وهي نقطة الشعر .......


راح للمطبخ شكو زيت بالطاوة اخذه ويوميا يصير بفيتامين معين ( يوم بزيت السمك ويوم بفيتامين الباذنجان الاسود )


يلزم المشط وشعرة شعرة يدهنها ويصفط وحدة يم اللخ ( على ان لا تبعد كل شعرة عن الاخرى بما لا يزيد عن 2 سم )


وبعد ما صار الراس عبارة عن معمل( زيت الصافي ) وازاد وزن الجسم 2,5 كيلو غرام


وصلنا لمرحلة الحذاء طبعا الجواريب لو الماما تغسلها لو تلكه 67 زوج مشمور جوا الفراش

( مستحيل يغسل جواريبة الاخ ومستعد يشتري 5 ازواج كل اسبوع بس ميغسلها ) ****


كولوا طلع برا اجرله كية المسكين وانجبس بين 13 نفر وخايف على شعرة من هوا الشباك اخاف يطير ( وبالاصل انت لو تجيب هليكوبتر يهفي على راسه ما تطير منه شعرة من ورى الدهن )


دخل للجامعة يحس نفسة توم كروز العراق ......... اول الصبح ما يقلد ويسلم من ورى خشمة وما عاجبة العجب
يروح بكل تأني للكافتريا ويطلب استكان جاي ويطلع الجكاير ويكعد يتصرف كانه(روميو) بالرومانسية والرقة .... ( استكان الجاي بالبيت تخلص ورى نص دقيقة بس بالكافتريا تخلص ورى 20 دقيقة !! )



المحاضرة الاولى مو مهمة بالنسبة اله واذا فاتته موجودة ( فتحية تنطي محاضراتها للاستنساخ)


اجوي البنات من المحاضرة دخلوا االكافتريا (تلكاه يعدل الكعدة ويستعد كانه حيبدي يصور فيلم ينعرض قريبا في سينمات هوليوود )


يخلص باكيت الجكاير وتخلص قواري الجاي وهو كاعد مسوي نفسه الهائم العاشق الحزين ذو القلب المنكسر ( ختية ترى )


العين عبارة عن رادار لاقط يفتر من 4 جهات 24 \24 ساعة في الكعدة


كامت وحدة حلوة وطلعت من الكافتريا المسعدة الاخ صاحبنة قرر واخيرا يشلع نفسة من الكرسي وصار يمشي وراها ( مو هو البدي كارد مالتها ) منا منا وصل الها


- صباح الخير فتحية ( والابتسامة الخلابة لا تفارق وجهه الفاهي )

هلو شلونك
- شخبارج ويا الدراسة ( هذا السؤال يتكرر كل يوم الصبح يعني بحيث بالاخيرقرر يخزنة بالموبايل تجنبا للتكرار )

-اني زينة انت شلونك –( طبعا المسكينة مستحية -)

- اني بس ردت اطلب منج دفترالـ(.... ) لان اليوم مكدرت احضر المحاضرة الاولى تعرفين بس اني عندي سيارة واصدقائي يردون يصعدون ويايا اوصلهم( بدت القنابل )

اي عادي تفضل

- شكرا اني استنسخه وارجعه الج شوكت اشوفج ( هي اربعة وعشرين ساعة موجودة لو بالاكافتريا لو بالقاعة )

-اني تلكاني بالكافتريا

- ماشي شكرا

-العفو


( طبعا لا يستنسخ ولا شي جذب والدليل لما تجي الامتحانات تلكاه يكول لأبو الاستنساخ من البداية لحد النهاية !!! )

كولوا رجع الدفتر لفتحية بعد كلام طويل وعريض يرادله موضوع على حده حتى اكلكم شنو كال وشكلتله

يوصل للبيت يلبس البجامة ويركض جنه كلوله ترى المنطقة بيها وباء.. وركض على اقرب ساحة لعب طوبة ومتلكاه الا ساع 12 يدخل للبيت كبل لنوم لا دراسة ولا هم يحزنون



*** حالات غريبة عجيبة للشباب ***

1- يلزم الموبايل بالساعات بالجامعة ( والمقصود ان ترى اني ما يهمني الرصيد او ترى صاحبتي كتلت نفسها عليه ) وبالحقيقة هو مدا يخابر وعلى ساعة صاحبة يرمشله ويفضحة

2- حالات التسكع المتزايدة في الوقت الحاضر والتي يزيد عدد ساعتها على 5 ساعات في اليوم الواحد

3- مخالفة الزي لمدة 5 ايام في الاسبوع والعبرة مجهولة
4 الاستأذان من الاستاذ في القاعة لغرض تدخين جكارة ( لو يشربها للجكارة بهالدقيقة لو تطلع روحة )
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تحشيش على شباب الجامعه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات احلى اثنين :: 
القسم الترفيهي
 :: منتدى النكات والتحشيش
-
انتقل الى: