منتديات احلى اثنين
اهلا وسهلا بك في منتديات أحلى اثنين
مرحبا بك في منتديات احلى اثنين
سجل ولا تتردد


اسلامي, ثقافي, ادبي, رياضي, عــــــام
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول
المواضيع الأخيرة
»  الحجاب عفَّة، وأمن للمرأة
أبريل 17th 2011, 02:40 من طرف زائر

» حصرياً قصائد للرادود حسين الحجامي بذكرى أستشهاد السيد الشهيد الصدر
أبريل 17th 2011, 02:22 من طرف زائر

» ابو نؤاس.....
مارس 21st 2011, 17:58 من طرف ahmed_83

» محمد مهدي الجواهري
مارس 21st 2011, 17:54 من طرف ahmed_83

» محاولة اغتيال الفنان ابراهيم طاطلس
مارس 19th 2011, 18:37 من طرف ahmed_83

» حفلة الفنانة مريام فارس في العراق
مارس 19th 2011, 18:35 من طرف ahmed_83

» قناة mcp موسيقى من بغداد
مارس 18th 2011, 03:42 من طرف ahmed_83

» يومية تسألني...
مارس 18th 2011, 03:32 من طرف ahmed_83

» صاحب قناة MCP الفنان ماجد المهندس
مارس 15th 2011, 19:50 من طرف ahmed_83

ازرار التصفُّح
 البوابة
 الرئيسية
 قائمة الاعضاء
 البيانات الشخصية
 س .و .ج
 بحـث
احصائيات
هذا المنتدى يتوفر على 22 عُضو.
آخر عُضو مُسجل هو كالقمر رقيقة فمرحباً به.

أعضاؤنا قدموا 512 مساهمة في هذا المنتدى في 245 موضوع

شاطر | 
 

 مجموعه منوعه من الدارميات الشعريه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
علي العراقي
مشرف منتدى الشعر الشعبي
مشرف منتدى الشعر الشعبي
avatar

عدد المساهمات : 21
السٌّمعَة : 0
تاريخ التسجيل : 20/06/2010

مُساهمةموضوع: مجموعه منوعه من الدارميات الشعريه   يونيو 21st 2010, 13:55

كلبي مادك لغيرك سوى لك
هجرته شبيك متكلي سوالك
عليه بالجذب مامر سؤالك
عدل ميت ولافكرت بيه




شقيت ثوبي أعليك وصلته للنص

جاوين قلبك أوياي صاير مثل جص

==========================

اشمالك يبعد الروح لونك تغير

عندي خوات أهواي طب أوتخير

==========================

يسألني البطران حالك إشلونه

الغاضب الله إعليه هم ينشدوونه

==========================

جاشلي بالخوان والماينفعون

عود أمن اموت أيجون ويا اليشيعون

==========================

عبالي طيب زاد واعطيتك اعيون

تالي توج النار ويا اليكرهون

==========================

علمني عالنسيان ارد انسى ضيمك

وي غيري قمره اتصير بس حصتي ضيمك

==========================

سبحان امن خلاك تقسي ابغرامك

جانك اتداوي اجروح رقت كلامك

==========================

اوقف يبعد الروح اوياك الحساب

سَافر أو جرحي اينوح ليهسى ماطاب

==========================

هامسى أوها مصباح باجر يشيلون

اورجليا شالت طيب من دمع العيون

==========================

ارد انشد الصباغ هم يصبغ اقلوب

اصبغ دليلي اعليك واحزن فرد نوب

==========================

حط باللبن تيزاب مجبور أشربه

بس لا أشوفك يوم تمشي وي غربه

==========================

==========================

سباحه لك بالروح خضرى أوطريه

تسقيها من تشتاق وتمر عليه

==========================

ياماخذين الولف اوليفي وريد أوياه

مانام لليل الشتى أومقدر على فرقاه

==========================

الدنيا ماتسواش لاتصفن إلها

عالطيب والمزيون يكثر حملها

==========================

يسألني البطران ليش راسك اقرع

مايدري على الحلوين شعري تشلع

==========================

يسألني البطران تشرب عرق ليش

هم سقم هم فراق هم لوعة الجيش

==========================

الدنيا بس أوياي صارت حريصه

أو من سلة المكتوم تطلع لي شيصه

==========================

همي الليالي اتعود واتعاتب أوياك

احجايه للشمات خلاني فرقاك

==========================

أرد اسأل العراف واهل القوافي

ليش الحجاب إيلوق للوجه صافي

==========================

حطيتك بسرداب وفوقه متر صب

اصبح الواشي وياك من ياكتر طب

==========================

==========================

وينه اليخَيطْ العين ويفكني منها

كل ما تصد للدار يكثر حزنها

==========================

لو غبت عني الروح احسبها شده

واحرق ابدمع العين حتى المخده

==========================

بالك تمر بالدار عنها أشمر ابعيد

دار العزيز اهواي نوح أوبجي اتريد

==========================

عمده ارد امر بالدار والنوح ازيده

واسمع صداها يقول راح التريده

==========================

عمده ارد امر بالدار واشبع مغمه

والمعتني الطيبات لوطاح شيهمه

==========================

غصبن عليها الروح جابتني اشوفك

كفر عليها للوم بلجن تعوفك

==========================

أهلا وسهلا بيك وكثر بالوياك

الكَلب قبل العين فز وتلكَاك

==========================

اقدر اسكت الناس وامك واخوتك

قلي شيسكت اهواك لودره ابموتك

==========================

ياعازة الخوان عازتها عازه

والماوراها صياح وحشه الجنازه

==========================

==========================

انشدني عالحال حالي أعلى حاله

سمجه أوشحيح الماي وبظهري فاله

==========================

حسره إلك بالدلال ظلت لما أموت

ماتدري حقها الناس إصوابي بسكوت

==========================

القلب قال أحاه ! قتله وجعتين

منهو الاجى أوعزاك من طقك البين

==========================

يالردت عني اتروح خليلي صبرين

واحد يصبر الروح والثاني للعين

==========================

شامت وكًًف عل الباب حاير شكًًله

أرتجي إعله المكسور لو دمعي إهله

==========================

إرتجي إعله المكسور حيل إردس الكًًاع

بالك تذل جدام شماتك إبساع

==========================

اقعد ابتالي الليل وادعي ابصلاتي

ياربي بعد افلان شلي ابحياتي

==========================

ارد انصحك يافلان هذي النصيحه

عوف اتلف وادور حب الصريحه

==========================

ريته اليطيح ابضيج كون اخوه وياه

اول مايقول احاه كلها اتلقاه

==========================

==========================

إلي تطلبه ايصير بس أمر انته

أو لاتعب الجلمات أشرلي سكته

الرد

أطلب وقلك صار تامرني أنته

عمري من أول يوم بسمك رهنته

==========================

ميت والمعزيات يبجن عياره

طفن على التابوت راس الجكاره

==========================

الدهر شل يمناي شل يسرتي البين

جابيش اصبر الروح بيش امسح العين

==========================

من كثر حر الضلع أحترقن هدومي

وتسعين ناقة وجمل ماشالن همومي

==========================

هاك ابره هاك الخيط كوم امشي عني

لو بيه اشل جروح جاشل هذني



تحياتي
علي العراقي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد العراقي

avatar

عدد المساهمات : 148
السٌّمعَة : 6
تاريخ التسجيل : 15/06/2010
العمر : 30

مُساهمةموضوع: رد: مجموعه منوعه من الدارميات الشعريه   يونيو 21st 2010, 20:29


حط باللبن تيزاب مجبور أشربه
بس لا أشوفك يوم تمشي وي غربه


تسلم على هذه المجموعة الجميلة بس ممكن تنقلها الى منتدى الدارمي والابوذية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahlatow.yoo7.com
علي العراقي
مشرف منتدى الشعر الشعبي
مشرف منتدى الشعر الشعبي
avatar

عدد المساهمات : 21
السٌّمعَة : 0
تاريخ التسجيل : 20/06/2010

مُساهمةموضوع: رد: مجموعه منوعه من الدارميات الشعريه   يونيو 22nd 2010, 03:03

شكرا لمرورك محمد العراقي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مجموعه منوعه من الدارميات الشعريه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات احلى اثنين :: 
القسم الأدبي
 :: منتدى الشعر الشعبي العراقي
-
انتقل الى: