اسباب العراق

اسباب العراق

عذراً يا وطن عاد الشمر ملعون
خسر جولان راجع ينهب الاكبر
شاف الناس وحده ورادت الايمان
وعلى الاسلام لازم يذبحه ويعبر
ولاصار الحجي متعجب انته بهاي
لأن هاي البشر فضلت فلس عالدر
خيرهم غدر گص چفه لشيطان
معروف الحرامي شما نهب يكبر
قسموك الغرب بس همه متحدين
قسموها العروبه اجمعو عالشر
يا شر الاقصده ويا حجي الينگال
على الگلب الضحك وبصاحبه ينحر
على الام البجت وبنصها روح تموت
ولا واحد يواسي وبالنصر يجهر
ضلينه الابر مااخذنه خيط الحوك
وطرزنه بدماء الحيدري مندر
ضلينه بحرب تيهنه هذا وذاك
من دمنه الابن وبنصنه يتفجر
ياوسفه الزلم اخذو مكان الذيب
ياذيب الغجر بسك بعد تنكر
مرتك بالچذب بس بالاسم تهواك
هيه الذيبه اصلاً هاويه وتغدر
منهوب الوطن لا چني بينه اندار
و اسباب العراق اليوم تتشكر
لو زلم الوكت شدو حزام الروح
چا ارض العروبه تحررت اكثر
عذراً يا وطن زلمك صفت للغير
كلها تصيح فدوه لسيدي المستر
لكن اعترف واعرف شنو اليصير
چف الطعن اعرفه واعرف الخنجر
واعرف صاحبه واليومي هم وياه
واعرف صاحبي والساوم اعله الشر
ولا يعرف وطن ملت لهاته الموت
وحالف بالكفر ما ينگلب اخضر
حالف بالوفه باليوفي ارض حسين
باليوفي الوطن وبصايته يأمر
يضل هوه النهر واحنه بطبع ناعور
وشگد ننصفع ما ننشلع نفتر
وگدام القلم نعدم الف ممحاة
وشيدنه المحابر والقلم منبر
خل نترك فكر عاش ابطن اوهام
امثال وحكم ما تعبر المعبر
كرم حاتمك بس اتركه وارتاح
ضيعنه الجهل شگد نقتدي بعنتر
اترك عنترك وي حاتمك ينجاز
واترك مهجرك واسترجع بحيدر
واعرف مافعل وشما عمل خيرات
شگد ينتصر شگد عالمهم يسهر
امشي بخطوتك واتبع ابو الحسنين
واطرد بالكفر واقلع الف خيبر
وعمل بالعدل صدكني انت تفوز
اخذ مني القسم وبأسمك واصبر
اقسم بالشرف واقسم عليك الدين
تضل انته الاصل واسمك يضل يزأر
للشاعر مهند الهاشمي

عذراً يا وطن عاد الشمر ملعون
خسر جولان راجع ينهب الاكبر
شاف الناس وحده ورادت الايمان
وعلى الاسلام لازم يذبحه ويعبر

تسلمي على هذه القصيدة الجميلة

ييييييييسسسسسسلممممموووووا على الرد

عـــــــــاشت الايادي
كلمات في غاية الروعه
تحياتي

شكرا اخي على المرور

يسلمووووووووووو

» حفلة الفنانة مريام فارس في العراق